Esperanto estos oficiala lingvo de Joomla 1.5

Jen la originala fonto: http://klaku.net/story.php?title=Esperanto_estos_oficiala_lingvo_de_Joomla_1-5

Mi ĵus ricevis akcepton de Esperanto kiel oficiala lingvo de Joomla 1.5
Tio signifas ke Esperanto estos en la pakaĵo de Joomla 1.5, kaj oni povas elekti Esperanton el falmenuo ĉe la komenco de la instalo, kaj povas legi la instal-paŝojn en Esperanto. La administra interfaco estos en Esperanto, kaj ankaŭ la fasado. La retpoŝto estos en Esperanto. La erarmesaĝoj estos en Esperanto.
------
Vi ne devos instali la Esperantan lingvon aparte, kaj vi ne devos legi la instalajn instrukciojn en alia lingvo.
-------
Ankaŭ, personoj vidos Esperanton en la listo de oficialaj lingvoj de Joomla.