Bonvenon al Drupalo.org!

Drupalo estas senpaga EMS-sistemo kun libera fontkodo (vidu permesilon GNU) por facile krei dinamikajn retejojn kaj subteni/administri ilin. Por ekuzi ĝin, oni ne bezonas specialajn sciojn pri programado kaj retaj teknologioj.

Drupalo permesas rapide krei modernan ttt-ejon, kiu povas esti malgranda paĝaro aŭ eĉ grandega portalo kaj retbutiko. Ĝin povas uzi ankaŭ spertaj programistoj, kiel firman bazon por retprojektoj.

En la reto abundas paĝaroj en kaj pri Esperanto por kiuj mankas bona sistemo por rapide redakti/aldoni enhavon. Pro tio ili ofte stagnas, ĉar postulas multoble pli da tempo por subteno kaj tio ĝenerale limigas la eblojn por kunlaboro.